Аутоиммундук тиреоидит (Хашимото): диагностикасы жана көзөмөлү.

Аутоиммундук тиреоидит (Хашимото оорусу) — калкан сымал безинин өнөкөт сезгенүү оорусу, мында иммундук система жаңылыштык менен безинин өз ткандарына каршы антителолорду иштеп чыгарат. Бара-бара бул анын функциясынын төмөндөшүнө жана гипотиреоздун өнүгүшүнө алып келет. Оору көбүнчө 30-50 жаштагы аялдарда кездешет, көбүнчө төрөттөн кийин же гормоналдык кайра түзүлүү мезгилдеринде аныкталат. Бирок, мунун жаш аялдарда (20-25 жашта), айрыкча тукум куучулукка жакындык же башка аутоиммундук оорулар болгондо, кездешүүсү мүмкүн. Эркектерде оору азыраак кездешет, бирок адатта оор өтөт жана кийинчерээк диагноз коюлат.

Белгилери:

Эрте стадияларында оору симптомсуз өтүшү мүмкүн, бирок калкан безинин функциясы төмөндөгөн сайын гипотиреоздун белгилери пайда болот:

• өнөкөт чарчоо, уйкусуроо, көңүл топтоонун начарлашы;
• кадимки тамактанууда дене салмагынын көбөйүшү;
• суукка чыдамсыздык ( үшүкчөлдүк), шишик, теринин кургактыгы, чачтын жана тырмактын сынык болушу;
• сүйлөөнүн, пульстун жайлашы, кан басымдын төмөндөшү;
• аялдарда — этек кир циклинин бузулушу, бойго бүтүрүүдөгү кыйынчылыктар.

Кээде оорунун башталышында гормондордун деңгээли убактылуу жогорулашы мүмкүн (тиреотоксикоз фазасы), бул дүүлүгүү, жүрөк согуусу жана тердөө менен коштолот.